Галоўная мэта мерапрыемства – далучэнне дзяцей дашкольнага ўзросту да гісторыі беларускага народа, знаёмства з творчай дзейнасцю знакамітых землякоў, атрыманне вопыту маральных паводзін.
Выхавацелі Шышла К.М., Кузьміч Л.А. і музычны кіраўнік Мікіцюк Л.А. у цесным супрацоўніцтве з дызайнерам Баніфацьевай М.І. падрыхтавалі сапраўднае свята прыгажосці. Кобрынскім дызайнерам была створана калекцыя спецыяльна да 8 Сакавіка «МОДА З КАМОДА».
Выхаванцы рознаўзроўневай групы «Званочак», дэманстравалі гэтую калекцыю. Дзеці спявалі песні, чыталі вершы на беларускай мове, гулялі ў беларускія гульні.
Бацькі выхаванцаў, педагогі і, канешне, самі дзеці атрымалі шэраг станоўчых эмоцый і перажыванняў.