“Родная мова, быццам цэмент, звязвае людзей. Яна дае ім найлепшы спосаб разумець адзін аднаго, адной думкай жыць, адной долі шукаць”, – так пісала пра родную мову беларуская паэтка Элаіза Пашкевіч (Цётка).

У Міжнародны дзень роднай мовы ў нашай ўстанове адукацыі прайшоў шэраг мерапрыемстваў, прысвечаных гэтай даце. Юныя аматары беларускай мовы праявілі інтэлектуальныя здольнасці, кемлівасць і знаходлівасць у конкурсных праграмах, квестах, віктарынах.Прыгожыя вершы на роднай мове, прыказкі і фразеалагізмы прынеслі сапраўдную асалоду як навучэнцам, так і настаўнікам.

Такія мерапрыемствы аб’ядноўваюць вучняў і настаўнікаў, даюць магчымасць узбагаціцца ў духоўным плане, зразумець, што мова – гэта тое, што нас яднае.